top of page
تازه کوردیم بیر پری نی لاله دیک سیما گوزل
لب گوزل، قاشلر گوزل هم عشوه و ایما گوزل
غنچه دیک لب آچگنی دور سیوگلی گل دیک سحر
رخ گوزل، رخسار گوزل دور قولی گه مینا گوزل
نور ساچدی دل دیارگه بو سحر چیقگن قویاش
قد گوزل، قامت گوزل دور لطفی دن صحرا گوزل
جوره سی بولمس جهانده بس که گوزل دور اوزی
کوز گوزل، ساچلر گوزل دور حسنی دن دنیا گوزل
عشق دنیا ده صواب و هم گناه بیر سان بولر
اول مینن قیلگن گناهیم دن بولر عقبا گوزل
ای خدایم بو صنم نی قندی خلق ایتتینگ نی چون
بولمه گن موندی چرایلی وقتی گه لیلا گوزل
اسدالله ولوالجی
bottom of page